Peyğəmbərə dair filmin premyerası oldu

Avqustun 27-də İranda Məhəmməd Peyğəmbərin uşaqlığından bəhs edən filmin premyerası olub.

Majid Majidi-nin 171 dəqiqəlik bu filmi 40 milyon dollara başa gəlib və İranın indiyədək çəkdiyi ən bahalı film sayılır. Maliyyəni qismən dövlət ayırıb, film 7 ilə çəkilib.

Majidi bildirib ki, məqsəd İslamın son illər zorakı ekstremistlər tərəfindən korlanmış imicini özünə qaytarmaqdır.

Trilogiya olacaq filmin hələlik birinci hissəsi çəkilib, qalan iki hissənin nə vaxt hazır olacağı bəlli deyil.

Bu, Məhəmməd Peyğəmbərdən bəhs edən ikinci böyük filmdir. "Allahın elçisi Məhəmməd” adlı birinci film 1976-cı ildə Suriya mənşəli amerikalı rejissor Moustapha Akkad tərəfindən çəkilib. /Azadliq.org