Bakı qalereyasında "Abşeron küləkləri" - REPORTAJ

Bir neçə gün əvvəl, Bakının mərkəzində, İçərişəhərdə yerləşən "Natəvan" qalereyasında "Abşeron küləkləri" adlı rəsm sərgisinin açılışı oldu. Bu sərgi müsabiqənin yekunlarına həsr edilmişdi. Tədbirin sponsoru kimi Azərbaycan mədəniyyət və turzim nazirliyi yanındakı Azərbaycan İncəsənət konsulluğu çıxış edirdi. 

Sərginin mövzusu təsadüfdən seçilməmişdi, axı Abşeron yarmadası zəngin tarixi keçmişi və saysız-hesabsız əfsanələriylə məşhurdur. 

Abşeronu küləklərsiz təsəvvür etmək qeyri-mümkündür. Gilavar və Xəzri küləklərinin adların bu məkanda yaşayan insanlar arasında dillər əzbəridir. Sərginin adının da küləklərlə bağlı olması təsadüfi deyildi. 

ANN.Az portalı Azərbaycan İncəsənət Konsulluğunun rəhbəri Dadaş Məmmədovdan mədəniyyət tədbiri ilə bağlı fikirlərini öyrəndi. Dadaş bəy qeyd etdi ki, "Abşeron küləkləri" sərgisinin əsas məqsədi Azərbaycan mədəniyyətini təliğ etmək, gənc və istedadlı rəssamlara çəkib-yaratmaq üçün stimul vermək, ən əsası isə rəssam üçün çox vacib olan sərgilənmək imkanını onlara bəxş etməkdir. "Sərgidə 15 rəssam təmsil olunur, onlar 20 iş təqdim ediblər. İş burasındadır ki, bəzi rəssamlar bir yox, iki rəsm təqdim ediblər. Rəsmlər 6 münsifin iştirak etdiyi jüri heyəti tərəfindən seçilib. Biz rəssamlarımızı həvəsləndirməyə çalışırıq ki, onlar bacardıqları qədər yeni və maraqlı işlər yaratsınlar" - Dadaş Məmmədov açıqlamasında bildirdi. 

Sərgi müxtəlif yaşlardan olan rəssamları birləşdirmişdi. Vernisajda adlarını sadaladığımız rəssamlar iştirak edirdilər: Əşrəf Heybət, Rəhim Həşimov, İntiqam Ağayev, Mirazər Abdullayev, Vüqar Əli, Könül İsmayılova, Günel Ravilova, Zöhrəb Salamzadə, Xanlar Məmmədov, Elşən İbrahimov, Vəfa Əhmədova, Əsgər Əsgərov, Səbinə Abdullayeva və digərləri...

Qeyd etmək yerinə düşər ki, sərgiyə maraq böyük idi, tədbiri işıqlandırmaq üçün bir çox KİV nümayəndələri gəlmişdilər. Tədbirə Azərbaycan rəssmlarının işlərinə tamaşa etmək üçün həmçinin ABŞ-ın Azəbaycandakı səfiri Robert Sekuta xanımı ilə birgə təşrif buyurmuşdu. 

Sərginin açılışında iştirak edə bilməyənlərin nəzərinə, sərgi fevralın 18-inə qədər açıq olacaq. 

Xoş seyrlər: