Yazıçı Umberto Eko vəfat edib

 

Yazdığı əsərlərlə bütün dünyada məşhur olan italyan yazıçı, akademik, tənqidçi və mütəfəkkir Umerto Eko ötən axşam 84 yaşında vəfat edib. ANS PRESS-in məlumatına görə, İtaliya mətbuatı yazıçının yerli vaxtla saat 22.30-da (Bakı vaxtıyla 19.30) yaşadığı evdə dünyasını dəyişdiyini bildirib.

Ekonun xüsusilə 1980-ci illərdən sonra yazdığı "Qızılgülün adı”, "Fukonun rəqqası”, "Baudolino”, "Praqa məzarlığı”, "Şahzadə Loananın sirli alovu” və "Bir gün əvvəlki ada” adlı roman kitabları bütün dünyada müxtəlif dillərdə miyonlarla tirajla çap olunub.  

Bundan başqa yazarın 10-a yaxın elmi publisistik əsərləri var.

Öz dövrünün ən əhəmiyyətli mütəfəkkirlərindən biri kimi tanınan Umerto Eko bir çox beynəlxalq mükafatların laureatıdır. Eko həmçinin İtaliya, Almaniya və Fransanın dövlət ordeni ilə təltif olunub və cəngavər tituluna malikdir. 

 

 

Umberto Eko 5 yanvar 1932-ci ildə İtaliyanın Alessandriya şəhərində anadan olub. Umbertonun babası atılmış uşaq olub və o dövrdə İtaliyada qəbul olunmuş qaydaya görə ona Ех Caelis Oblatus (yəni "Allahın bəxşişi”) ifadəsinin abreviaturasını soyad kimi veriblər. 

Turin Universitetində orta əsr fəlsəfəsivə ədəbiyyatını öyrənib. Təhsil aldığı zaman ateizmi qəbul edir və Katolik kilsəsini tərk edir. 1954-cü ildə Turin Universitetini bitirir, tarix və jurnalistika ilə məşğul olur, televiziyada çalışır, qəzetlərdə şərhçi kimi işləyir. U.Eko Milan, Florensiya, Turin universitetlərində estetikadan və mədəniyyət nəzəriyyəsindən dərs deyib. Bolonya Universitetinin professoru, fransız Fəxri Legion Ordeninin kavaleridir. U.Eko həmçinin Ceyms Bondla bağlı məsələləri öyrənən bondalogiya sahəsinin qəbul olunmuş ekspertidir.

1962-ci ildən alman əsilli incəsənət müəlliməsi Renata Ramqe ilə ailəli olub. Bir qızı və oğlu var.