Nadir Əbdürahmanovun “Rəsm və qrafika” albomu - FOTOREPORTAJ

Bir müddət əvvəl Xalq Bankın əsas ofisində "Xalq əmanəti” layihəsi çərçivəsində görkəmli azərbaycalı rəssam, xalq rəssamı Nadir Əbdürrahmanovun həyat və yaradıcılığını əks etdirən albomu təqdim edildi. 

Tədbirə gələn qonaqları salamlayan Xalq Bankın ictimaiyyətlə əlaqələr şöbəsinin rəhbəri Elşən Eynullayev bildirdi ki, "Xalq əmanəti” layihəsi Azərbaycanın görkəmli rəssam, şair, elm adamlarının və digər sahələrin nümayəndələrinin yaradıcılığına həsr olunub.

Bu dəfəki tədbir isə, görkəmli rəssamımız Nadir Əbdürrahmanovun həyat və yaradıcılığına həsr olunmuşdu.

Rəssamın "Rəsm və Qrafika” albomunun təqdimatı mərasimində Azərbayca Dövlət Rəssamlıq Akademiyasnın rektoru Ömər Eldarov, xalq rəssamı, professor Səlhəb Məmmədov, Fərhad Xəlilov, millət vəkili Rafael Hüseynov, Tofiq Ağababayev kimi tanınmış şəxslər iştirak edirdilər. 

Təqdimat mərasiminə həmçinin rəssamın oğlu Arif Əbdürrahmanov da qatılmışdı. 

Ekspozisiyaya "Qız Qalası” qalereyası rəssamın 50 əsərini təqdim etmişdi. Bura həm rəsmlər, həm də qrafikalar daxil idi. 

Rəssamın əsərlərində Azəbaycan tarixinin zəngin tarixi, milli koloriti, həmçinin sənaye və kənd peyzajlarının bol olduğu sosial realizm öz əksini tapıb. 

Rəssam barədə bir-iki kəlmə. Nadir Qəmbər oğlu Əbdürrahmanov 5 dekabr 1925-ci ildə Laçında doğulub. Rəssam bu sənətin sirlərini əvvəlcə Əzim Əzimzadə adına kollecdə öyrənib, sonra isə təhsilini Repin adına Leninqrad rəssamlıq, heykəltaraşlıq və memarlıq akademiyasında davam etdirib. 1964-cü ildə Azərbaycan xalq rəssamı adına layiq görülüb. 

2010-cu ildən start götürən "Xalq əmanəti” layihəsi Azərbaycan mədəni irsinin qorumaq və təbliğ etmək missiyası daşıyır. 3 dildə - Azərbaycan, rus və ingilis dillərində nəşr olunan kitablar orta və ali təhsil məktəblərinə, uşaq evləri və kitabxanalara, fondlara, dövlət müəssisələrinə, Azərbaycandakı xarici nümayəndəliklərə, səfirlərə, konsulluqlara ödnişsiz paylanılır. 

Elmi, təhsili, maarif mədəniyyəti təbliğ edən ANN.Az xəbər portalı paytaxtımızda baş tutan mədəniyyət hadisələrini diqqətdən kənarda qoymur. Bu dəfə oxucularımıza Nadir Əbdürrahmonovun "Rəsm və Qrafika” sərgisindən fotoları təqdim edirik. 

Xoş seyrlər: