Plener 10: Qarabağ - Azərbaycanın incisi - FOTOREPORTAJ

Bunlərdə paytaxtın "Art Villa" qalereyasında açıq səma altında "Qarabağ" mözvuzunda plener keçirildi. Tədbir bir müddət əvvəl Azərbaycan-Ermənistan cəbə xəttində baş verən hadisələrlə əlaqədar idi. Plenerin mövzusu vətənpərlik idi. 

Pleneri "Arts Council Azerbaijan" Mədəniyyət və İncəsənət nazirliyinin və Azərbaycan Dövlət Sənət Qalereyasının dəstəyi ilə həyata keçirirdi. 

ANN.Az portalı layihənin əsas təşkilatçısı, «Arts Council Azerbaijan»ın rəhbəri Dadaş Məmmədovla söhbət etməyə müvəffəq olub. Dadaş bəy qeyd etdi ki, 10-cu plenerin mövzusunun vətənpərvərliklə əlaqədar olması təsadüf deyil: "Aprelin əvvəlində cəbhə xəttində baş verənlər elə bir vətəndaşımız olmaz ki, ona təsir etməsin. Hər kəs öz cəbhəsində döyüşürdü. Biz, sənətkarlar isə öz növbəmizdə fikirlərimizi fırça kətanla, heyəltaraşlıq və instalyasiyayla ifadə etməklə dünya ictimaiyyətinə sənət vasitəsilə həqiqətləri çatdırırıq. Məncə, indi vətənpərvərlik ruhunun möhkəmlənməsi heç vaxt olmadığı qədər aktualdır! Elə biz də məhz buna görə bu plenerimizdə vətənpərvərlik mövzusunu seçmişik. Plenerdə iştirak edən rəssam və heykəltaraşlar qoyulan tapşırığın yerinə yetirilməsinə xüsusi həssaslıqla yanaşıblar. Bütün iştirakçılara minnətdarlığımı bildirirəm".

  

Plenerdə həm təcrübəli, həm də gənc azərbaycanlı rəssam və heykəltaraşlar qatılıblar. Məsələn, İntiqam Əliyev, Rəhim Həşimov, Leyla Altunay-Nəsibova, Röya Həsənova, Ngar Familsoy, Teymur Qəribov, Azad Aslaov və digərləri. 

Plenerdə həmçinin tanınmış azərbaycanlı keramikaçı, rəssam Mir-Teymur Məmmədov da iştirak edirdi, o tədbir boyunca iştirakçılarla ünsiyyət qurur, onlara faydalı məsləhətlər verir, mövzunu açmaqda onlara kömək edirdi. 

Elmi, təhsili, maarif və mədəniyyəti təbliğ edən ANN.Az portalı paytaxtımızda baş tutan mədəniyyət hadisələrini diqqətdən kənarda qoymur. Bu dəfə oxucularımıza "Qarabağ" mövzusunda keçirilən plenerdən fotoları təqdim edir. 

Xoş seyrlər: