Vahid Əhmədov: Azərbaycanda aparılan pul-kredit siyasəti bizi narahat edir

Millət vəkili Parlamentdə çıxış edib.

Azərbaycanda aparılan pul-kredit siyasəti bizi narahat edir.

APA xəbər verir ki, bunu Milli Məclisin İqtisadi siyasət, sənaye və sahibkarlıq komitəsinin iclasında millət vəkili Vahid Əhmədov deyib.

Millət vəkili qeyd edib ki, bank sektorunda ağır vəziyyət yaranıb: 

"İnsanlar əmanətlərini ala bilmir. İnsanların kredit almasında da problemlər var. Üstəlik, faiz dərəcələri yüksəkdir. Bank sistemi sağlamlaşdırılmalıdır. Bu sistemi düzəltməsək, Azərbaycan iqtisadiyyatının inkişafından söhbət gedə bilməz”.