Ceki Çan fəxri “Oskar” mükafatına layiq görülüb

 

APA-nın "bbc.com”a istinadən verdiyi məlumata görə, fəxri mükafat aktyora noyabr ayında Los-Ancelesdə təqdim olunacaq. Ceki Çan Amerika Kino Akademiyası üzvlərinin təklifi və səsvermə nəticəsində kinematoqrafiyanın inkişafındakı xidmətlərinə görə mükafatlandırılıb. O, kinoakademiyada keçirilən səsvermədə "Sənətinin pioneri və əfsanəsi” kimi xarakterizə olunub.

 

Qeyd edək ki, Honkonqda doğulan 62 yaşlı aktyor indiyədək 250-dən artıq filmə çəkilib. Onlardan ən məşhurları "Kvantunqun balaca pələngi”, "Sərxoş usta”, "Qorxusuz kaftar” "Bronksedəki mübahisə”, "İlk zərbə”, "Əjdahanın çıxışı” və s. ekran əsərləridir.