Heydər Əliyev haqqında film və serial ekranlara çıxır - TEZLİKLƏ

ANN.Az "RİA Novosti" agentliyinə istinadən xəbər verir ki, Azərbaycanın sabiq prezidenti Heydər Əliyevin həyatından bəhs edən film 2017-ci ildə ekranlara çıxacaq.

Filmin prodüsseri İqor Lopatenok bildirib ki, sözügedən film əvvəlcə 2017-ci ildə Torontoda film festivalında nümayiş olunacaq.

"Artıq çəkilişlər bitib və hal-hazırda film post-prodakşn mərhələsindədir, montaj işlərimiz bitmək üzrədir. Film 2017-ci ildə nümayiş olunacaq", - deyə prodüsser bildirib.

Lopatenok əlavə edib ki, bundan əlavə, Heydər Əliyevlə bağlı 8 seriyalı televiziya filmi də hazırlanıb və tamaşaçılar serialı tezliklə izləyə biləcəklər.