Azərbaycanlı oğlan dünyanın ən yaraşıqlı modeli seçildi
15.09.2016 15:49
Sentyabr ayının 3-11 tarixləri arasında Gürcüstanın Batumi şəhərində oğlanlar və qızlar arasında keçirilən "Miss & Mister Planet - 2016”-da ölkəmizi model Yusif Cəfərli və Anna Qranovskaya təmsil edib. Yusif Cəfərli adıçəkilən beynəlxalq model müsabiqəsinin birincisi olub.
Oxu.Az-ın əməkdaşı bununla bağlı beynəlxalq model müsabiqəsinin Azərbaycan üzrə direktoru və "Miss & Mister Planet - 2016”-da jüri kürsüsündə əyləşən tanınmış təşkilatçı Aqil Məmiyevlə əlaqə saxlayıb.
"Biz paytaxtımızdan müsabiqəyə komanda ilə getmişdik. Mənimlə birlikdə müsabiqənin Azərbaycan üzrə baş prodüseri Pərviz Əzimzadə də yola düşmüşdü.
Qala gecəsi 10 sentyabrda Batumi Teatrında keçirildi. Ölkəmiz böyük nəticə göstərdi. Bütün münsiflər heyətindən yüksək bal qazanaraq "Mister Planet - 2016” adına həmyerlimiz Yusif Cəfərli layiq görüldü.
Ölkəmiz illər sonra beynəlxalq model müsabiqəsində yenidən birincilik qazandı. Xatırladım ki, 2007-ci ildə "Best Model of The World” müsabiqəsində Rüstəm Cəbrayılov birinci olmuşdu.
Xanım təmsilçimiz Anna Qranovskaya isə "Miss Planet Star - 2016” tituluna sahib oldu. Yarışmanın istedad mərhələsində Rihannanın "Diamond” mahnsını ifa etdi və düşünürəm ki, münsiflərin zövqünü oxşadı”, - deyə A.Məmiyev bildirib.
www.ann.az
Instagram
Bizi Instagramda izləyin
Oxşar xəbərlər
Oxşar xəbərlər
Foto
Video
