Ancelina Coli fəaliyyətini dayandıracaq

RİA Novosti Agentliyinin verdiyi xəbərə görə, məşhur  Hollivud aktrisası Ancelina Coli aktrisalıq fəaliyyətini dayandıra bilər. Bu barədə müsahibələrində məlumat verən Ancelina bir neçə film çəkilişlərindən sonra fəaliyyətini dayandıracağı barədə açıqlama bildirib.  

Aktrisanın sözlərinə görə, o, gələcək planlarını rejissor kimi davam etdirəcək. Belə ki, müsahibələrinin birində “rejissor işi mənim üçün çox maraqlı və əyləncəli işdir. Mən kameranın nəzarətimdə olmasını və kadr arxasından aktyorları izləməyi çox sevirəm” deyib. Aktrisa hazırda həyat yoldaşı Bred  Pitt və oğlu ilə Maltada çəkilən “Dəniz sahilində” adlı filmin çəkilişlərində birgə çalışır. Ancelina Coli həmini filmin rejissorudur. Qeyd edək ki, “Cənab və xanım Smit” filmindən doqquz il sonra cütlük “Dəniz sahilində” filmində birlikdə rol alıblar.  

Kult.az