Bakıda məşhur rəssamın yubiley sərgisi keçirildi - FOTOLAR

“Qalereya 1969” sərgi salonunda Azərbaycanın məşhur rəssam-rejissoru Nazim Məmmədovun anadan olmasının 80 illik yubileyinə həsr edilən “Mənim yolum” adlı xatirə sərgisi açılıb. Sərgi “Arts Council Azerbaijan” (“Azərbaycan İncəsənət Konsulluğu”) qeyri-hökumət təşkilatı tərəfindən Mədəniyyət və Turizm Nazirliyinin dəstəyi ilə təşkil olunub.

Nazim Məmmədov 1934-cü ildə Bakıda anadan olub. 1957-ci ildə Əzim Əzimzadə adına Dövlət Rəssamlıq kollecini bitirib. 1961-ci ildən "Azərbaycanfilm" kinostudiyasinda "Animator", 1970-ci ildən isə rejissor işləyib. O, ilk dəfə 1988-ci ildə beş hissəli "Göyçək Fatma" cizgi film-operasını yaradıb. Nazim Məmmədov 2004-cü il oktyabrın 29-da Bakıda vəfat edib.Rüstəm QasımovANN.Az