Aida Mahmudovanın yeni studiyası- FOTOLAR

Professor Nərgiz Paşayevanın qızı, “YARAT” müasir incəsənət mərkəzinin təsisçisi Aida Mahmudova yeni studiya açıb.  “Yarat” adlı rəssamlıq studiyasının açılışı bu gün baş tutub.

“YARAT” Rəssamlar Studiyası yeni tikilmiş 4 mərtəbəli binadan ibarətdir. Burada Aida Mahmudova, Orxan Hüseynov, Fərid Rəsulov, Faiq Ahmed, Ramal Kazımov, Vüsal Rəhim, Fərhad Fərzəliyev, Nəzrin Məmmədova, Reza Hazare, Rəşad Ələkbərov və Niyaz Nəcəfov kimi rəssamlar öz əsərlərini yaradacaqlar.

Yaradıcı igamətgahda, hətta beynəlxalq rəssamların studiyalarda yaşamaları və işləmələri üçün lazımi şərait yaradılıb. 

Studiyada gün ərzində rəsmlərin, heykəllərin, kölgə installyasiyalarının, eksperimental musiqi və video installyasiyalarının detallarını qonaqlarla bölüşən rəssamlar olub. 

Qeyd edək ki, studiya ilk qonaqlarını 2015-ci ilin əvvəllərində qarşılamağı planlaşdırır.

Axşam.az