Flora Kərimovaya vəzifə verildi

Sabitlik və İnkişaf Mərkəzi İctimai Birliyinin nəzdində Şəhid Anaları Komitəsinin yaradılıb və xalq artisti, DAMMİB Qadınlar Şurasının sədri Flora Kərimova həmin komitəyə sədr seçilib.


Qaynarinfo xəbər verir ki, İctimai Nəzarət Koalisiyasının Mərkəzi Qərərgahında SİMİB-nin növbəti konfransı öz işinə başlayıb.


Əvvəlcə İNK nəzdindəki fəaliyət göstərən Heydər Əliyev və İlham Əliyev İctimai Muzeyində SİMİB sədri Rasim Məmmədovun geniş məruzəsi dinlənilib.


İNK İH-nin sədri, DAMMİB I vitse-prezidenti, SİMİB-nin rəhbəri Rasim Məmmədov sədr müavini, İNK baş katibi Aydın Xan Əbilov, İNK İH-nin sədr müavini Asif Mərzili, İNK KİV Departamenti Valeh Mirzə və başqa rəsmilərin iştirak etdiyi mötəbər tədbirdə ictimaiyyətin nümayəndələri, KİV əməkdaşları iştirak ediblər.


İNK İH-nin sədri, DAMMİB I vitse-prezidenti, SİMİB-nin rəhbəri Rasim Məmmədov çıxışında sədri olduğu təşkilatın son bir ildə həyata keçirdiyi layihələr və fəaliyyət istiqamətləri barədə məlumat verdi. Yaxın vaxtlarda həyata keçiriləcək layihələr, reallaşdırılacaq fəaliyyət istiqamətləri haqqında danışan R.Məmmədov sözü baş katibə verib.


İNK baş katibi Aydın Xan Əbilov SİMİB haqqında geniş məlumatlar verəndən sonra təşkilatın nəzdində Şəhid Anaları Komitəsinin yaradıldığı, xalq artisti DAMMİB Qadınlar Şurasının sədri Flora Kərimovanın ora sədr, Dilarə Həsənovanın sədr müavini, Xatirə Əziz Rəhimovanın katibi kimi namizədliyini irəli sürüb və konfrans iştirakçıları yekdikliklə səs verərək namizədlərin seçimini təsdiqləyiblər.


Daha sonra Konfrans iştirakçıların səsverməsi ilə İH-nin üzvləri, eləcə də Rasim Məmmədov iki il müddətinə SİMİB-yə sədr, Aydın Xan Əbilov, Ülviyyə Murtuzova, Səbuhi Rəcəb isə sədr müavinləri, Valeh Mirzə isə mətbuat xidmətinin rəhbəri seçiliblər.

www.anews.az