Xalq artistinə səhvən xərçəng diaqnozu qoyuldu - Kimya verildi, narkozsuz əməliyyat olundu

Xalq artisti Zabit Nəbizadə həkimlərin səhvinin qurbanı olmaqdan son anda qurtulub.

Anews.az Milli.Az-a istinadən xəbər verir ki, aparıcı Nanə Ağamalıyeva "Şou ATV" proqramında məşhur xanəndənin illər öncə başına gələn tükürpədici hadisədən danışıb.

Bel yırtığı olduğu halda xərçəng diaqnozu qoyularaq kimyəvi şüalar verilən xalq artisti Zabit Nəbizadə aparıcının sözlərini təsdiqləyib.

Xalq artistinin mövzuyla bağlı etdiyi əlavələrsə hər kəsi dəhşətə gətirib:

"4 dəfə buna görə əməliyyat olundum. Birini narkozsuz, "novakain"lə etdilər. Ağrı o dərəcədə hiss olunurdu ki, çığırtımı birinci mərtəbədə eşidənlər yuxarıda nə olduğunu soruşurmuşlar".