V Türkvision başlayır

Türkiyədə keçiriləcək Beynəlxalq Türk Dilli Şözlü Musiqi Festivalının proqramıBeşinci dəfə keçirilən Türkvision başlayır. ANS PRESS-in TRT Bakı təmsilçiliyinə istinadən verdiyi məlumata görə, Türkiyənin Dənizli şəhərində keçiriləcək Beynəlxalq Türk Dilli Şözlü Musiqi Festivalında 22 ölkə iştirak edəcək. Türk dünyasından gələn 22 ölkənin məşhur sənətçiləri öz ölkələrində hitə çevrilmiş mahnılarını bu dəfə türk dilində səsləndirəcəklər. Dənizli Böyükşəhər Bələdiyyəsi, Dənizli Valiliyi və TRT-nin birgə təşkil etdiyi festival 10, 11 və 12 Sentyabr tarixində şəhər konsertləri ilə başlayır. Festivalın Gala gecəsi isə 13 Sentyabrda TRT Müzik kanalında canlı yayımlanacaq. 10 sentyabrda isə TRT Müzik kanalında efirə gedən "Egeden Ezgiler" proqramı Dənizli Delikliçınar Meydanından canlı yayım həyata keçirəcək. Sentyabırın 11-də Açıq Hava Teatrında çıxış edəcək 11 ölkə sənətçisinə İzmir və Ankara radiosu sənətçilərindən Əli Çakar və Zeynəb Cihan müşayət edəcək. Burada qonaq ölkələr öz dillərində mahnılar ifa edəcəklər. 12 sentyabır tarixində İncilipınar Meydanından keçiriləcək konsertdə isə İzmir və Ankara radiosu sənətçilərindən Makbule Kaya və Şehmus Esenkuş iştirakçılarla eyni səhnəni paylaşacaq. Eyni zamanda proqramlarda TRT Xalq Rəqsləri qrupu və Dənizli Xalq Rəqsləri qrupu da iştirak edəcək. 13 sentyabr tarixində 22 ölkə sənətçisi Pamukkale Antik Teatrında türk dilində mahnılar ifa edəcəklər. Gecənin finalında isə Rafet El Roman və Ezo canlı performansla izləyənlərə xoş anlar bəxş edəcək. Gala gecəsi TRT Musiqi kanalında canlı olaraq yayımlanacaq.ANN.Az