1937.az saytı bağlandı

 Holdinqin rəhbəri Aynur Camalqızının Axar.az-a verdiyi məlumata görə, dəyişikliyin səbəbi sayt adında rəqəmin özünü doğrultmamasıdır: “Sayt adı üçün yığcamlıq naminə “1937” rəqəmindən istifadə etdik. Ancaq təəssüf ki, bu ad oxucularda yanlış olaraq yalnız repressiyaya uğrayan yazarlarımıza həsr edilən bir sayt qənaətini yaratdı. Başqa sözlə desək, əvvəlcədən nəzərdə tutduğumuz mədəniyyət-ədəbiyyat portalı təsəvvürünü bu adla oxucu qəbul etmədi – baxmayaraq ki, Salam Sarvan kimi tanınmış ədəbiyyat adamının rəhbərliyi ilə peşəkar kollektiv bu aylar ərzində öz sözünü dedi və saytdan umduqlarımız doğruldu. Ədəbi aləmdə məşhur olan “Kult.az” domenini bu kollektivə hədiyyə etməklə əslində portal əməkdaşlarının işinə dəstək verdiyimiz gümanındayıq. Bu ad onların fəaliyyətini, saytın ədəbi-mədəni istiqamətini özündə daha dolğun əks etdirir”. A.Camalqızı “Kult.az” domeninin alınmasında portal əməkdaşlarının təklifinin də önəmli rol oynadığını bildirdi: “Əlbəttə ki, holdinqin mədəniyyət portalının rəhbərinin təklifi bu məqamda nəzərə alınmaya bilməz”. Qeyd edək ki, artıq bu dəqiqələrdən 1937.az mədəniyyət portalı Kult.az domeninə keçib.

ANN.Az