Milli Yaylaq Festivalı Gədəbəydə start götürəcək - FOTOLAR
28.05.2020 21:37
Ölkəmizdə
ilk dəfə olaraq Milli Yaylaq Festivalı
keçiriləcək. Festival cari ilin iyul-avqust aylarında Gədəbəy rayon Miskinli kəndində
baş tutacaq. Festival milli-mədəni dəyərlərimizi,
tariximizi və bir sıra ənənələrimizi özündə əks etdirəcək. Festival Gədəbəyə turizm axnına müsbət təsir edəcək. Bu
festival rayonun turizm potensialını ölkə və beynəlxalq səviyyədə nümayiş
etdirməyə imkan verəcək.
Festivalın
keçirilməsi üçün nəzərdə tutulan etnoqəsəbənin ərazisində yaşayış yurdları (dəyələr)
ilə yanaşı, "Cıdır meydanı”, "Yaylaq bazarı”, "Sənətkarlıq guşəsi”, "Dədə Qorqud
ocağı” , "Yaylaq yatağı”, "Pəhləvan
meydanı” , "Aşıq Ələsgər ocağı”, "Yaylaq süfrəsi” və digər tematik sahələr
yaradılacaq.
Festivalda
16 ölkədən qonaqların iştirakı gözlənilir.
Onların arasında türk dilli ölkələr
üstünlük təşkil edir.
Festival sentyabrın ilk 10 günlüyünə kimi davam edəcək.
www.anews.az
Festivalın
təşkilatçıları Gədəbəy RİH, Türkiyənin
TİKA təşkilatı, Cavadxan Tarix və Mədəniyyət Fondudur. Hazırda festivalın keçiriləcəyi ərazidə son
tamamlanma işləri aparılır.
Festival
əsasən 3 hissədən ibarətdir: mədəni etnoqrafik, milli yaylaq oyunları, eko-etno
turizm. Festivalda 12 çadır qurulacaq. Rəsmi
hissəsi 26-28 iyulda baş tutacaq
festivaldan sonra həmin çadırlar qonaqlara icarəyə veriləcək. Çadırlara - "Xan yurdu”, "Süvarilər” , "Vəzir yurdu”, "Xatunlar”, "Sərkərdələr”, "Sənətkarlar”. "Ərənlər”, "Ozanlar” və s. kimi simvolik adlar verilib. Hər bir çadır adına
uyğun bəzədiləcək.
Festival ərzində Gədəbəyin məşhur yerlərinə
ekskursiyalar, səyahətlər təşkil
olunacaq. Festivalda iştirak pulsuzdur. Qonaqlar
etnoqəsəbədə öz çadırlarını pulsuz qura və yemək bişirə bilərlər.
Yalnız festivalın təşkilatçıları tərəfindən qurulan çadırlar və verilən
yeməklər ödənişli olacaq. Etnoqəsəbədə
gecələmək haqqı yemək daxil olmaqla 150-250 manat arası təşkil edəcək.
Festival sentyabrın ilk 10 günlüyünə kimi davam edəcək.
Zaur Qənbərov
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Foto
Video
