Bakıda "Avropanın rəngləri" sərgisi təşkil olunub - FOTOLAR
20.12.2023 13:25
Bakıda İçərişəhər "Mədinə Qalereyası"nda "FantazEU 2023" festivalı çərçivəsində "Avropanın rəngləri" sərgisi təşkil edilib.
Avropa İttifaqının (Aİ) Azərbaycandakı nümayəndəliyinin təşəbbüsü ilə təşkil olunan sərgidə xanım rəssamların Avropa dəyərlərini əks etdirən rəsm əsərləri nümayiş etdirilir.
Sərgidə Ağsu, Bakı, Gəncə, Zaqatala və Şəki də daxil olmaqla, ölkənin müxtəlif bölgələrindən olan rəssamların işləri nümayiş etdirilir.
Aİ-nin Azərbaycandakı səfiri Peter Mixalko bildirib ki, "FantazEU 2023" festivalı Avropanın mədəni irsini nümayiş etdirən illik ənənəyə çevrilib.
Onun sözlərinə görə, Aİ və Azərbaycan arasında əməkdaşlıq mədəniyyət və incəsənət əlaqələrinin möhkəmlənməsində mühüm rol oynayır.
Onun sözlərinə görə, bu tədbir təkcə incəsənət və yaradıcılıq barədə deyil, məqsəd qadınların səlahiyyətlərini artırmaq, bacarıqlarını inkişaf etdirmək və daha inkluziv mədəniyyət səhnəsi yaratmaqdır.
"İncəsənət insanları bir araya gətirən unikal metoddur və bugünki sərgi bunun mükəmməl nümunəsidir", deyə o bildirib.
Səfir həmçinin bildirib ki, sərgi xüsusən Azərbaycan qadınlarının Avropanı necə gördüyünü daha yaxından tanımağa şərait yaradacaq.
N.Təbrizli
www.anews.az
Youtube
Bizi Youtube-da izləyin
Oxşar xəbərlər
Oxşar xəbərlər
Foto
Video
