Yazıçı Anar başqan oldu

 Azərbaycan Yazıçılar Birliyinin sədri, xalq yazıçısı Anar Türk Dilində Danışan Ölkələrin Yazarlar Birliyinin ilk başqanı seçilib. Anarın APA-ya verdiyi məlumata görə, bu barədə qərar Türkiyənin Əskişəhər şəhərində keçirilən VI Türk Dünyası Ədəbiyyat Dərgiləri Konqresinin dünənki toplantısında qəbul olunub: “Bu, yeni birlikdir. Nəzərdə tutulub ki, Türk Şurasına üzv olan ölkələrin yazarlar birlikləri arasında əlaqələr genişlənsin. Hazırda Türkiyədəyəm, fevralı 21-də Bakıya qayıdan kimi yeni yaranan birliyin mahiyyəti, əhəmiyyəti haqqında geniş məlumata verəcəyəm”. Qeyd edək ki, Konqresdə həmçinin xalq yazıçısı Anara “Balkanlar Türk Mədəniyyətinə Xidmət” ödülü də təqdim olunub.ANN.Az