Azərbaycanlı alimin kitabı Qırğızıstanda pulsuz paylanacaq

 Dekabr ayının 28 də Bişkekdəki Çingiz Aytmatov adına “Bişkek kitabxanalar sistemində” BDU-nin professoru Gərayzadə Leyla Zeynal qızının “Mir Çinqiza Aytmatova” kitabının təqdimat mərasimi keçiriləcək.Mərasim Türkdilli Dövlətlərin Siyasətinə Dəstək Fondunun hyardımı ilə keçirilir. Bu haqda məlumatı Qaynar.info-ya fondun rəhbəri Nüsrət Məmmədov verib. Onun sözlərinə görə önsözünü Qırğızstan MEA-nın vise prezidenti, akademik Abdıldacan Akmataliyevin yazdığı kitab dünya şöhrətli Qırğız yazıçısı Çingiz Aytmatovun həyat və yaradıcılığına həsr olunub: "Hesab edirəm ki, "Mir Çinqiza Aytnatova" yazıçının 85 illik yubileyinə ən gözəl töhfələrdəndir və kitab Qırqızıstan oxucularına pulsuz yayılacaq"-deyə Türkdilli Dövlətlərin Siyasətinə Dəstək Fondunun prezidenti bildirib.Təqdimat mərasimində kitabın müəllifi Leyla xanım Gərayzadə və dünyaşöhrətli yazıçının ailə üzvləri də iştirak edəcəklər.Qeyd edək ki kitab Türkdilli Dövlətlərin Siyasətinə Dəstək Fondunun sifarişi ilə nəşr edilib.ANN.Az