Bakıda Britaniya film festivalı keçiriləcək

British Council, Böyük Britaniya səfirliyi, Britaniya Hava Yolları və 28 Cinema ilə əməkdaşlıq çərçivəsində Azərbaycanda keçiriləcək ilk Britaniya Film Festivalını elan edir. Bu barədə British Council-dən yayılan məlumatda bildirilir.

Festivalın rəsmi açılışı 6 dekabr tarixində baş tutacaq və festival 7-11 dekabr tarixlərində davam edəcək. Festival müddətində bütün filmlər ingilis dilində səslənəcək və 6 günlük festival müddətində aşağıdakı Böyük Briyaniya istehsalı olan filmlər nümayiş olunacaq: The Selfish Giant, Saving Santa, Diana, Now is Good, The World’s End, Suspension of Disbelief, The Double, and About Time.

Britaniya Film Festivalı British Council-ın Azərbaycanda 20 illik yubileyi münasibətilə təşkil olunmuş tədbirlər silsiləsinə daxildir və Azərbaycan ilə Böyük Britaniya arasında mədəni əlaqələrin inkişaf etdirilməsində yeni bir addımdır.

ANN.Az