Ramazotti Bakıda konsert verəcək

Oxu.Az xəbər verir ki, bu barədə təşkilatçılardan biri - Trident Music şirkəti bildirib.

Müğənni Azərbaycanda irimiqyaslı dünya turu çərçivəsində, bu ərəfədə mayın 12-də işıq üzü görən "Perfetto” albomunu dəstəkləmək üçün konsert verəcək. Tur Veronada böyük konsertlərlə başlayacaq və təxminən bir aylıq voyaj ilə Rusiya, Belarus, Gürcüstan və Azərbaycan şəhərlərində başa çatacaq.  

"Artistin fərqli cəhəti onun heç bir zaman yerli avadanlıqla işləməməsidir. Onun performansı miqyası və texniki eksklüzivliyi ilə seçilir. Şounun avadanlığı on nəhəng yük maşınına güclə sığışır, müşayiət edən komanda isə 80 nəfərdən çox adamdan ibarət olacaq”, - tamaşaçılara lazer və işıq effektləri ilə müşayiət ediləcək unudulmaz şou vəd edən təşkilatçılar danışıb.