Azərbaycanlı yazıçının kitabı Amerikada satışa çıxarıldı

Hər il dünyanın elektron ədəbi resurslarında ingilis və rus dillərində dərc edilən minlərlə nəsr nümunələri müəlliflərindən ən istedadlılarını müəyyənləşdirərək, kitablarının çapını həyata keçirən Amerikanın Atlaspera Publishing & Literary Agency İnc. nəşr evi Azərbaycan yazıçısı Varisə müqavilə təklif edib.

Modern.az xəbər verir ki, imzalanmış müqavilə əsasında yazıçımızın «Metamorfoz. Bir gecənin əhvalatı» kitabı rus dilində işıq üzü görərək, ABŞ və Kanadada satışa çıxarılıb. Satış qiyməti 23 ABŞ dolları olan 144 səhifəlik kitaba yazıçımızın eyniadlı romanı, hekayələri və esseləri daxil edilib. 

Nəşr evi Toronto şəhərində kitabın təqdimat mərasimini keçirməyi də planlışdırır. Bu, xarici ölkələrdə Varisin kitablarının çapı ilə bağlı hələ son xəbər deyil. Yaxın günlərdə daha bir neçə şad xəbər də gözlənilir.