Tanınmış rusiyalı müğənni Janna Friske vəfat etdi

Oxu.Az xəbər verir ki, bu barədə "TASS”a müğənninin atası Vladimir Friske bildirib.  

"Janna vəfat etdi, bu həqiqətdir. Bu iyunun 15-də axşam saat 10-da baş verdi”.

Vida mərasiminin harada və nə zaman keçiriləcəyi barədə məlumat verilmir.

Qeyd edək ki, müğənni 2013-cü beyin xərcəngi ilə mübarizə aparırdı. 

Bundan əvvəl Janna Friske əri Dmitri Şepelyov ilə  onkoloji xəstələrə yardım fondu yaratmaq niyyətində olduqları barədə məlumat yayılmışdı.

Janna Friske 1996-cı ildən "Blestyaşiye” qrupunda çıxış etməyə başladıqdan sonra məşhurlaşıb. 2003-cü ildən o uğurlu solo karyerasına başlayıb.

Həmçinin bir neçə filmdə çəkilmiş müğənninin 2013-cü ildə Platon adında oğlu dünyaya gəlib.