​Anar Əzimov: "Mənim filmimin Kann festivalına düşməsi irəliyə doğru addımdı"

Bu barədə "Report"a müsahibəsində rejissor və ssenarist Anar Əzimov deyib. Onun iPhone-la çəkdiyi qısametrajlı film Kann kino festvalının qısametrasjlı filmlərin müsabiqədənkənar nümayişi üçün seçilib.

A.Əzimovun sözlərinə görə, filmin nümayişi onun üçün digər pilləyə keçiddir, yəni bir növ onun həyatının ixtisas imtahanıdır. Gələcəkdə yeni qısametrajlı filmlərin çəkilişinə gəldikdə isə, F.Əzimov bildirib ki, bir rejissok kimi, onun həyata keçirmək istədiyi yeni ideyaları mövcuddur və qısametrajlı filmlərə ssenariləri var. 

A.Əzimovun sözlərinə görə, filmin yaradılmasında digər filmlərin də təsiri olub: "Təsir etməmiş olmaz. Lakin, konkret hansı filmlərin təsiri oldugunu deyə bilmərəm. Eksperiment apararaq, kadr uzunluğunda dəyişiklik etməyə cəhd göstərmişəm, əhval-ruhiyyəni rəng dəyişkənliyi və montaj işləri ilə göstərməyə çalışmışam. Filmimin Kann festivalına düşməsi irəliyə doğru addımdı.

Demək istərdim ki, ilk növbədə mən aktyor axtarışında idim və fikirləşirdim ki, bu film klassik səhnələrlə veriləcək. Nəticədə dərzi rolunu özüm oynadım".

"İşinizdən razısınızmı" sualına cavabında A.Əzimov deyib ki, bundan yaxşı işlər də ərsəyə gətirə bilər: "Anlayıram ki, həmin an üçün maksimum edə biləcəyimi etdim. Əminliklə deyirəm ki, o an bundan yaxşı iş ərsəyə gətirə bilməzdim".