“Minsk qrupunun tövsiyyəsi ilə heç nə dəyişməyəcək” - AÇIQLAMALAR

Uzun müddətdir Qarabağ probleminin həllində razılaşma əldə edə bilməyən Minsk qrupunun sonuncu toplantısından sonra hansısa irəlilərişlərin olması gözlənilirmi?  

Bu sualı ANN.Az-a açıqlamasında politoloqlar şərh ediblər. 

 

 

 

 

Politoloq Qabil Hüseynli ANN.Az-a açıqlamasında ATƏT-in tövsiyyə xarakterli çıxışları ilə heç nəyin dəyişəməyəcəyini dedi: "ATƏT-in Minsk qrupu bundan sonra açıq-aşkar danışmalıdır. Azərbaycan mövqeyini ortaya qoymalıdır. Minsk qrupunun fəaliyyətinə əvvəllər mane olan ölkələr Rusiya və Fransa idi. Ümumiyyətlə, bu qrupun işinin formatı dəyişdirilməlidir və Minsk qrupuna əlavə səlahiyyətlər verməlidirlər. Ortada təcavüzkar dövlət və işğal olunmuş torpaqlar var. Bu səbəbdən təcavüzkar dövlətə qarşı sanksiyalar tətbiq etmək hüququ onlara verilməlidir. Yoxsa tövsiyyə xarakterli çıxışlarla heç nə dəyişəməyəcək”.

Politoloqun fikrincə, bundan sonra Azərbaycan daha sərt olmalıdır: "Azərbaycan əlinin stolun üstünə möhkəm vurmalıdır. Biz yalnız bunu tələb edirik ki, işğal olunmuş torpaqlarımız geri qaytarılsın, ərazi bütövlüyümüz təmin olunsun və hər şey beynəlxalq hüququn normalarına uyğun aparılsın. Azərbaycan bu cür təcavüz ölkəyə qarşı bundan sonra ancaq rəsmi sənədlərlə istəklərinin hamısını tələb etməlidir. Düzdür, istəklərimizin hamısı real şəkildə çatmaq çətin olacaq, amma əvvəlki illərə nisbətdə pozitiv dəyişikliklərin olacağına inanıram".

 

 

 

 

Məsələyə münasibət bildirən politoloq Rasim Ağayevin sözlərinə görə ATƏT-in Minsk qrupunun səlaiyyətləri yoxdur məsələni həll etsin: "Bu qrupun işi problemin həll olunmasında bünövrənin hazırlanmasıdır. ATƏT-in Minsk qrupu BMT-yə, aidiyyatı qurumlara məruzə edir ki, həll olunmalı olan məsələ nə yerdədir. Bu qrupun işi tərəflər arasında kompromisə razılıq əldə etməkdir. Biz də bu yolu çoxdan keçmişik. Kompromisi ermənilərdən gözləməlidirlər”. 

"Artıq Moskvanın özü də ermənilərin təklif, tələb, iddialarından beziblər. Ermənistan da indi əvvəllər olduğu kimi hamı tərəfindən birmənalı şəkildə yaxşı qarşılanmır. Onların əlaqələri, mövqeləri genişdi və belə olaraq da qalır. Ancaq indiki vaxtda yeni bir Azərbaycan meydana gəlib. Azərbaycan artıq tanınır, onun yaxşı strateji mövqeyi var.” – deyə Ağayev bildirib.

R.Ağayev məsələ ilə əlaqədar qısa xatırlatma da edib: "Tanınmış xadim Volter Hikmen o vaxt demişdi ki, üçüncü dünya müharibəsi Azərbaycandan başlayacaq. Ola bilsin, onun bu sözləri öz yerini tapsın. Elə bil vəziyyət yaranar ki, Rusiya, Türkiyə, digər ölkələr bu durumdan çox nazarazı qala bilərlər. Ondan da başa düşəcəklər ki, bunun günahı Azərbaycanda yox, təcavüzkar ölkə olan Ermənistandadır. Çünki BMT-nin 4 qərarına Ermənistan hələ də əməl etmir. Onlar regionda özbaşınalıq edirlər. Bu da qəbul olunmazdır”.  

Politoloq daha sonra atəşkəsin uzun müddətli olub-olmayacağına da münasibət bildirdi: "İndi demək olmaz atəşkəs nə vaxta kimi davam edəcək. Bunu hadisələrin özü göstərəcək. Ermənilər özləri də bilirlər ki, atəşkəsi uzatmaqla heç nəyə nail ola bilməyəcəklər. Cəbhədə baş verən son hadisələr Ermənistana bir daha göstərdi ki, Azərbaycan istənilən an döyüşə hazırdı”.