İlham Əliyev İstanbulda Bakir İzetbeqoviçlə görüşdü

Oxu.Az-ın məlumatına görə, görüşdə münasibətlərimizin dinamik inkişafından məmnunluq ifadə edilib, qarşılıqlı əlaqələri bundan sonra daha da genişləndirmək üçün yaxşı imkanların olduğu bildirilib.

Söhbət zamanı enerji sahəsində əməkdaşlıqla bağlı fikir mübadiləsi aparılıb.

Prezident İlham Əliyev "Cənub Qaz Dəhlizi” layihəsi çərçivəsində görülən işlərlə bağlı məlumat verib.

Görüşdə Ermənistan-Azərbaycan, Dağlıq Qarabağ münaqişəsi, xüsusilə son vaxtlar qoşunların təmas xəttində baş verən gərginliklə bağlı fikir mübadiləsi aparılıb.

B. İzetbeqoviç prezident İlham Əliyevi ölkəsinə səfərə dəvət edib. Dövlət başçısı dəvətə görə minnətdarlığını bildirib, Bosniya və Herseqovinanın Rəyasət Heyətinin sədrini Azərbaycana səfərə dəvət edib.