Erməni hackerlər 1200 azərbaycanlı zabitin məlumatlarını əldə ediblər

"Technote.az”ın "Securitylab.ru”a istinadən verdiyi xəbərə əsasən əldə olunmuş arxivlər arasında zabitlərin yaşam ünvanları, telefon nömrələri və digər şəxsi məlumatlar yer alır. Noyer_1K və n0p_c0ntr01 adlı hackerlərin başçılığı ilə qruplaşma həmçinin Azərbaycan banklarından birinin müştəri bazasını əldə edib. Beləliklə hackerlər daha 10.000 insanın şəxsi məlumatlarını ələ keçiriblər. MMCA hacker qruplaşmasının sözlərinə əsasən bu hack edilmə prosesi Ermənistanın hər il 21 Sentyabr tarixində keçirtdiyi müstəqillik gününün 25 illiyinə həsr olunmuşdur. Qeyd edək ki, bu ilin Aprel ayında sözügedən hacker qruplaşması bildirmişdi ki, onlar 25.000 Azərbaycan hərbçisinin şəxsi məlumatlarını əldə ediblər.