"İsgəndər" raketini azərbaycanlı ixtira edib? - Ekspert açıqladı
Rəsmi Yerevan həmin raketlərin Ermənistan Müdafiə Nazirliyinə məxsus olduğunu təsdiqləyib.
Rusiyada hərbi texnikalar arasında özünəməxsus yer tutan bu raket kompleksinin geniş ərazini və dəf edilməz maneələri məhv etməsi haqqında bilgiyə sahib olsaq da, texnikanın kim tərəfindən ixtira edildiyi haqqında məlumat yoxdur.
"İsgəndər-M” raketi
Bəzi mənbələrdə raketin İsgəndər Hüseynov adlı azərbaycanlı hərbçi tərəfindən hazırlandığı deyilsə də, məlumatı təsdiqləyən faktlar mövcud deyil.
Bəs, görəsən, rusların "İsgəndər" adını "Aleksandr" kimi tərcümə etməsi niyə məhz bu texnikada da öz əksini tapmayıb? Doğurdanmı, "İsgəndər” raketini azərbaycanlı hərbçi İsgəndər Hüseynov hazırlayıb?
Üzeyir Cəfərli - hərbi ekspert
Məsələ ilə bağlı ANN.Az-a açıqlama verən hərbi ekspert Üzeyir Cəfərli raketin ixtirasının İsgəndər Hüseynova məxsus olması barədə şayiələrin olduğunu dedi: "Bu haqda bəzi hərbçilərlə söhbətimiz olub. Məlumata görə, İsgəndər Hüseynov SSRİ Kosmik Uçuşlar üzrə Dövlət Komissiyasının sədri general-leytenant Kərim Kərimovun komandasında çalışmış bir hərbçi olub. Ona görə də ehtimal olunur ki, ixtira bu şəxsə aiddir. Amma bu dəqiq məlumat deyil”.
""İsgəndər" raketi 2006-cı ildən istehsal edilən hərbi texnikadır. İxtiraçı azərbaycanlı olsa belə bizim hərbi imkanlar ruslarla eyni dərəcədə deyil. Bununla yanaşı raketin istehsalı üçün xeyli maddi vəsait və praktik cəhətdən onu sınaqdan keçirmək üçün ərazi lazımdır. İdeya müəllifi azərbaycanlı olsa belə, raket üzərində komanda şəklində işi ruslar həyata keçirib. Buna görə də düşünmürəm ki, müəllif azərbaycanlı olsun”, – deyə Ü.Cəfərli əlavə edib.
"İsgəndər-E" raketi
Raketin "İsgəndər-M", "İsgəndər-E", "İsgəndər-K" variantları mövcuddur. Texnikanın çəkisi 3800 kq, uzunluğu 7,3 metrdir.
Orxan Aslanlı
Foto
Video
