"Qarabağ"da müharibə TƏHLÜKƏSİ - Ekspert danışdı

01.11.2016 13:53

Bu gün aprel hadisələrinin baş verməsindən təxminən, 7 ay ötür. Xeyli müddət keçməsinə baxmayaraq, eməni tərəfi aprel məğlubiyyətini qəbul etməyərək, təxribata əl atmaqdan çəkinmir.

Erməni təxribatlarına qarşılıq verilməsini nəzərə alaraq, aprel döyüşlərinin təkrarlanacağı gözlənilirmi?

Üzeyir Cəfərli - hərbi ekspert

Hərbi ekspert Üzeyir Cəfərli ANN.Az-a açıqlamasında bildirib ki, aprel döyüşləri ifadəsi işlədilsə də, əslində, Azərbaycan ordusu həmin vaxt düşmən hücumlarını dəfetmə əməliyyatı həyata keçirib:

"Döyüşlərdə çox cüzi şəxsi heyətlə iştirak etmişik. Demək olar ki, döyüş birqadasının heç biri tam heyətlə döyüşə qatılmayıb. Əgər briqada iştirak etsəydi, (briqadanın döyüş təminatını təmin edən hava qüvvələri, artilleriya, tanklar, piyadaların döyüş maşını və s.) vəziyyət tamamilə, başqa cür olardı. Həmin döyüşlərdə xüsusi təyinatlı hərbi qulluqçularımız iştirak edirdi”.

"İndi vəziyyət elədir ki, istənilən an aprel hadisələri təkrarlana bilər. Bu səbəbdən də, Müdafiə naziri hər dəfə çıxışında döyüşə tam hazır olduğumuzu bildirir. İstənilən an düşmən təxribata əl ata bilər. Həmçinin, işğal altında olan ərazilərimizi əldən vermək fikrində deyil. Buna görə də, döyüş vəziyyətinə hər an hazır olmalıyıq. Cəhbədə vəziyyət gərgindir. Çünki düşmən aprel hadisələrindən sonra məğuliyyəti boynuna almayaraq, təxribatlardan əl çəkmir. Oktyabrın 26-da düşmən aprelin əvvəllərində işğal etdiyi Azərbaycan torpaqlarını itirdiklərinə görə, torpaqları "geri qaytarmaq” üçün əməliyyat keçirmək istədi. Ancaq ordumuzun qabaqlayıcı tədbirləri nəticəsində, düşmən əməliyyatı iflasa uğradıldı”, - deyə Ü. Cəfərli əlavə edib.

Ekspert ermənilərin Talış kəndində hərbi parad keçirməsi haqqında yayılan məlumatları düşmənin növbəti uydurma təxribatı ilə əlaqələndirdi:

"Parad olmasını əsla düşünmürəm. Ordumuzun iki addımlığında parad keçirilməsi mümkün deyil. Yayılan şəkillər montaj olunmuş, saxta informasiyalardır. Guya ermənilər orada parad keçiriblər. Erməni başını itirib ki, aprelin əvvəlində uğursuzluğa düçar olduğu Talış kəndində parad keçirsin? Bundan başqa, onlar paradı nə münasibətlə keçirə bilərlər ki? Sentyabrın 21-i deyil ki, deyək, müstəqillik günü ilə əlaqədar parad keçirilir. Onlar hansı günlərinə parad təşkil etsinlər? Ermənistan bu cür uydurma, montaj edilmiş şəkillər düzəltməklə, Azərbaycana psixoloji təsir göstərməyə cəhd edirlər. Bako Saakyan aprel məğlubiyyətini erməni xalqına unutdurmaq üçün aprel savaşında ölən erməni ailələri üçün beşmərtəbəli yaşayış binasının təməlqoyma mərasimi keçirib. Həmin kadrlara baxanda da görünür ki, orada iki cüt, bir tək adam var. Onların necə aciz və yox olduqları artıq sübut olunur”.

Qeyd edək ki, aprel 1-də başlayan erməni təxribatı həmin ayın 5-i saat 12.00-dan etibarən, Azərbaycan-Ermənistan qoşunlarının təmas xəttində tərəflərin razılığı ilə dayandırılıb.

Orxan Aslanlı

www.ann.az

Xəbəri bəyəndiniz?

Sosial şəbəkələrdə paylaş