"Gələn il Gürcüstan və Rusiya ilə görüşlər keçiriləcək" - Nazir müavini

ANN.Az xəbər verir ki, bunu xarici işlər nazirinin müavini Xələf Xələfov deyib.

"Bu, uzun prosesdir. Əvvəlcə, Normativ hüquqi baza formalaşmalıdır. Bundan sonra fiziki olaraq sərhəd xəttinin qurulması ilə bağlı istehsal olunacaq məhsullar üzərində işlərə başlanılacaq. 2017- ci ilin ilk rübündə hər iki ölkə ilə komissiyanın iclaslarını keçirəcəyik. Konkret olaraq Rusiya ilə işçi qrupları səviyyəsində işlərimizi başa çatdırmışıq. Komissiyanın iclasının keçirilməsinə dair hazırlıq var. Gürcüstan tərəfi ilə işlər bir qədər uzun çəkəcək. Çünki Gürcüstanla hələ delimitasiya prosesi aparılır. Nümayəndələr heyəti və komissiya səviyyəsində işlər aparılır. Son vaxtlar komissiyanın iclası keçirilməsə də, işçi qruplarının iclası mütəmadi keçirilir”.

 

 

"Ümumi sərhəd xəttinin 2/3 hissəsi komissiyalar səviyyəsində razılaşdırılıb, protokollar səviyyəsində rəsmiləşdirilib. Qalan hissəsini başa çatdırmalıyıq. Bunun üçün də razılaşdırılmamış, açıq qalan məsələlər üzərində işlər davam etdiriləcək. Delimitasiya başa çatandan sonra demarkasiya hissəsinə keçə bilərik. Hər prosesə dair tənzimlənmə mexanizmi olmalıdır. Rusiya ilə delimitasiya müqaviləsi imzalanıb. Gürcüstanla isə proses davam edir. Bu, mühüm məsələdir, daim dövlətin nəzarətindədir. Komissiyalar fəaliyyətini davam etdirir", - deyə Xələf Xələfov əlavə edib.