Deputatlar Xocalı yürüşündə niyə gülürdü?

ANN.Az Bizimyol.info saytına istinadən xəbər verir ki, Xocalı faciəsinə həsr olunmuş yürüş zamanı protokol heyətində olan 3 deputat (Nəriman Əliyev, Malik Həsənov və Rüstəm Xəlilovun) faciə qurbanlarına, ümumən xalqımıza və protokol heyətinə etdikləri hörmətsizlik kameralara tuş gəlib. Sayt yazır ki, deputatların bu hərəkəti - hər kəsin kədərə büründüyü bir gündə qəh-qəhə çəkib gülmələri Xocalı sakinləri və sosial şəbəkə istifadəçiləri tərəfindən olduqca sərt qarşılanıb. İki gündür bütün sosial şəbəkələrdə adıçəkilən deputatların belə önəmli tədbirdə özlərini apara bilməmələri, protokol qaydalarına əməl etməmələri insanların sərt reaksiyasına səbəb olub.