Qarabağda tammiqyaslı müharibəyə hazırlıq

"Azərbaycanın işğal edilmiş ərazilərində tammiqyaslı müharibənin başlaması çox yaxındır”.

Publika.az xəbər verir ki, bu barədə rusiyalı politoloq, tarixçi Oleq Kuznetsov deyib.

Onun sözlərinə görə, parlament seçkilərindən sonra da Ermənistanda siyasi rejimin mahiyyəti dəyişmədi: "Ermənistan hakimiyyətində əvvəlki kimi Qarabağdakı qanunsuz silahlı qrupun tarla komandirlərinin yaratdığı xunta var. Serj Sarkisyan konstitusiya islahatları ilə özünü məsuliyyətdən azad etdi, indi əsas məsuliyyət Milli Məclisin deputatları arasında bölüşdürülüb. Bu da o deməkdir ki, məsuliyyətdən azad olan Ermənistan rəhbərliyi müharibə təşəbbüsünü irəli sürəcək”.

O.Kuznetsov qeyd edib ki, son zamanlar Azərbaycanın hərbi gücü işğalçı qüvvələri dəfələrlə geridə qoyub.

"Azərbaycan Ermənistanın bahalı hərbin texnikasını məhv etdi, həmçinin, son zamanlar erməni hərbi birləşmələrinin mövqelərinə dəqiq zərbələr endirir. Bakı bunun fonunda vurğulayır ki, Azərbaycan öz ərazi bütövlüyünü bərpa etmək üçün Dağlıq Qarabağda daha radikal addımlar atacaq. Bununla yanaşı, Ermənistan Qarabağın "müdafiə ordusu”nun birbaşa İrəvana bağlı olduğunu daha gizlətmir. Bu o deməkdir ki, müharibə Azərbaycanın de-yure ərazilərində yox, iki ölkə arasında olacaq”, - deyə o bildirib.


www.anews.az