Ermənistan beynəlxalq aləmdən əlini üzdü

Təmas xəttində Azərbaycan və Ermənistan silahlı qüvvələri arasında baş verən qarşıdurma zamanı 3 erməni əsgəri ağır yaralanıb.

GoldNews.Az xəbər verir ki, bu barədə Qondarma Dağlıq Qarabağ Respublikasının mətbuat xidməti məlumat yayıb.

Məlumatda bildirilir ki, Azərbaycan Silahlı Qüvvələrinin endirdiyi cavab zərbəsi nəticəsində Robert Novruzoviç Qasparyan (1969), Ambarçum Karapetoviç Aurtunyan (1997) və Vaqe Qaqikoviç Badalyan (1998) müxtəlif dərəcəli bədən xəsarətləri alıblar.

Ermənistanın 1in.am saytında qeyd edilib ki,  Azərbaycan dünyada Qarabağ münaqişəsində status-kvonu dəyişmək üçün əlverişli atmosferin olduğunu  hesab edir. Bundan əlavə, Rusiyaya məxsus silahların Azərbaycana verilməsi, yeni müharibənin başlayacağının xəbərini verir. Bakı planlı və tam miqyaslı şəkildə müharibəyə hazırlaşır. Bu da açıq- aydın onu göstəriri ki, Qərb və Rusiyanın bizi hər hansı bir beynəlxalq mövqedə dəstəkləməsi məhdudur. Buna görə də ötən gün keçirilən Tramp və Putin görüşündən şəxsi mənafe güdməməliyik.

Digər tərəfdən, erməni diplomatiyası özünə inanmalıdır, bəlkə də Nalbandyan höküməti beynəlxalq mövqeyə əhəmiyyətli təsir göstərə bilər.

Əlbəttə ki, bu genişmiqyaslı müharibənin qarşısını almaq üçün bütün diplomatik sahələrdən istifadə etmək lazımdır. Bu mümkün olsa da, yəni diplomatik sahələrdə bizə kömək olsa da, müharibə  perspektivinin qarşısını almaq mümkün deyil.

Lakin  biz ümid edirik ki, beynəlxalq yardım bizim təhlükəsizliyimizin əsas təminatçısıdır. Buna baxmayaraq, Ermənistan və Qondarma DQR-in suverenliyi və təhlükəsizliyini yalnız möhkəm dövlət quruluşu və ordu təmin edə bilər.
www.anews.az