Qarabağda erməniləri öldürən gizli qatil

Erməni mətbuatı Qarabağda həlak olmuş Exeqnadzor (Dərələyəz - red.) sakini Vazgen Poqosyanın ölümündə əsas günahı Rusiyada görür.
İstiPress-in məlumatına görə, "ArmenianReport”da məsələ ilə bağlı məqalə yazmış erməni jurnalist Razmik Akopcanyan "ArmenianReport”da yazdığı məqaləsində bütün problemin Rusiyanın qarşısında boyun əymiş erməni hakimiyyət təmsilçilərində olduğunu vurğulayır:

"Dözün, ataman olacaqsız! Halbuki, onlar artıq atamandırlar. Ermənistanı işğal etmiş və heç yana getmək istəməyən Rus Dünyasının atamanları”.
Vazgen Poqosyanın ölümünə toxunan Razmik Akopcanyan bunu Ermənistan hakimiyyətinin Rusiya qarşısında əyilməsi ilə bağlayır:
"Bu, bizim hakimiyyətdə olanların qorxaqlığının qiymətidir. Bu, kasıb ailələrdən olan uşaqların yeni qurbanlarıdır. Belə qurbanların nə qədər olacağını kimsə bilmir”. 

Erməni mətbuatını diqqətlə izlədikdə münaqişə başlanandan keçən 30 il ərzində erməni ictimaiyyətinin heç dəyişmədiyinə əmin olmaq mümkündür. Ermənilər hələ də sovet illərindəki kimi özlərinin xüsusi imtiyazlı millət olduqlarına, Rusiyanın Qarabağı alaraq zorla Ermənistana birləşdirməli olduğuna inanırlar. Qorbaçov vaxtında verilmiş vədləri yerinə yetirmədiyindən Rusiya düşmənə çevrilib.




www.anews.az