Jirinovski Qarabağ haqda: Rusiyaya birləşməlidir

anews.az Virtualaz.org-a istinadən xəbər verir ki, Jirinovski bu gün Dövlət Dumasında jurnalistlərlə söhbətində bu münaqişələrin həllinin yeganə yolunun "bütün respublikaların yenidən vahid dövlətin tərkibinə qayıtması” olduğunu bildirib.

"Bizdə Donbas, Dnestryanı, Abxaziya, Osetiya, Qarabağ əzab çəkir. Həll yolu birdir - ancaq vahid ölkənin bərpası, bunsuz qan və zorakılıq hələ onilliklər bundan sonra davam edəcək”, - Jirinovski deyib.

LDPR lideri hesab edir ki, ölkələrin birləşməsi ancaq referendum yolu ilə olmaldır. Onun fikrincə, keçmiş SSRİ-nin heç bir respublikası yenidən Rusiya ilə birləşib vahid ölkədə yaşamaqdan imtina etməz. 

"Referendum yolu ilə vahid böyük ölkə. Normal referendumda hamı, o cümlədən Pribaltika SSRİ sərhədlərinə qayıdacaq”-Jirinovski bildirib.

LDPR lideri bundan əvvəl də bir neçə dəfə Qarabağ münaqişəsinin həlli yolu kimi "Azərbaycan və Ermənistanın Rusiyaya birləşməsini” təklif edib.