Ermənistana qarşı Putin-Əliyev anlaşması

29.05.2020 09:34

Rusiya prezidenti Vladimir Putinlə Azərbaycan prezidenti İlham Əliyevin görüşü iki ölkə arasında son aylarda mövcud olan bir sıra problemlər baxımından vacib idi.
İstiPress-ə müsahibəsində bu barədə azərbaycanlı politoloq Tofiq Abbasov iyulun 21-də Rusiyanın Soçi şəhərində keçirilmiş görüşü şərh edərkən bildirib.

"Təbii ki, Rusiya və Azərbaycan arasında olan problemlər strateji yox, cari xarakterlidir. Əksinə, Ermənistanla Rusiya arasında strateji xarakterli probemlər yaranır və dərinləşməkdədir. Ermənistanda Qərbin təsiri artır və son bir neçə ildə 40 faizə qədər yüksəlib. İrəvanda Qərbin xeyrinə fəaliyyət göstərən 700-dən çox siyasətçi, ekspert, QHT təmsilçisi və s. var”,- deyə Tofiq Abbasov vurğulayıb.

Tofiq Abbasov bu cür addımların Rusiya hakimiyyətindəki erməni lobbisinin oyunları olduğunu vurğulayıb: "Təbii ki, Lavrov və ona yaxın erməni lobbisi təmsilçiləri mütəmadi olaraq Azərbaycana qarşı bu cür qara piar kampaniyası gerçəkləşdirirlər. Heç kim deyə bilməz ki, Lavrov qeyri-peşəkar siyasətçidir, yəni Azərbaycanı qaralama prosesini planlı şəkildə aparır. Bu, özünü o qədər qabarıq göstərir ki, mən hətta bir qədər əvvəl çıxış edərək Qarabağ münaqişəsinin həllində Rusiyanın moderatorluğunun ləğv edilməsinə çağırmışdım". Görüş qabağı Azərbaycanla Rusiya arasında bir çox problemlərin olması vurğulanırdı. Məsələn, İrəvan öz ərazisindəki Rusiya hərbi bazasını, daha doğrusu, Ermənistan - Rusiya birgə qoşunlarını və onun nəzarətində olan "İsgəndər" raketlərini Azərbaycana qarşı çəkinmədən istifadə edəcəyini iddia edirdi. Həmçinin, iyulun 4-də Fizulinin Alxanlı kəndinin Ermənistan ordusu tərəfindən qumbaraatan atəşinə tutulmasından sonra 2 yahlı Zəhranın ölümü məsələsi dünyanı sarsıdan zaman Rusiya Xarici İşlər Nazirliyi (XİN) Azərbaycanda erməni əsilli Rusiya vətəndaşlarının incidilməsi barədə məlumat yaydı, məqsəd Ermənistanın işğalçılıq faktının gizlədilməsi idi.

Lakin Tofiq Abbasovun fikrincə, Rusiya rəhbərliyində Azərbaycana qarşı daha obyektiv davranan dairələr də var:

"Götürək, Azərbaycan müdafiə naziri Zakir Həsənovun Rusiyanın aparıcı xəbər agentliyi "RİA Novosti"dəki çıxışını. Rusiyanın təqdimatında Azərbaycanın naziri erməniləri başa saldı ki, 2016-cı ilin aprel Kreml müdaxilə etməsəydi Azərbaycan qoşunları üç gün ərzində nəinki Dağlıq Qarabağı işğaldan azad edə bilərdi, hətta bütün Ermənistanı nəzarətə götürə bilərdi. Görünür, artıq Rusiya hakimiyətində başa düşürlər ki, Azərbaycan Rusiya üçün Ermənistanla müqayisədə qat-qat etibarlı və əlverişli tərəfdaşdır".

Putin və Əliyev görüşünün Soçidə səmimi şəraitdə keçməsi bu məyusluğu daha da artırıb. Bəzi erməni şərhçilər hətta Putindən soruşurlar ki, niyə o, İlham Əliyevdən tələb etməyib ki, "İsgəndər" raketlərini vuran sistemi hardan aldığının yerini desin? Amma istənilən halda, erməni şərhçilərinin belə məntiqsiz suallar verməsi anlaşılandır. Hər halda, aprel döyüşlərindən sonra çeynədikləri "İsgəndər" saqqızı murdarlanıb.Erməni mətbuatını izlədikdə politoloqun qabartdığı bu məsələ açıq-aydın görünür. Əvvəllər erməni əsərinin aprel döyüşlərində göstərdiyi "şücaətdən" basıb-bağlayan erməni şərhçilər indi Rusiyanın Azərbaycanı niyə cəzalandırmaması, niyə Azərbaycanın silahlanmasına göz yumması barədə məyus şərhlər yazmağa başlayıblar.

Çingiz Rüstəmov

İstiPress

www.anews.az

Xəbəri bəyəndiniz?

Sosial şəbəkələrdə paylaş