Erməni qəbiristanlığının yerində tualet

Türkiyədə, Van vilayətinin Erdemit şəhərində erməni qəbiristanlığı olan yerdə ayaqyolu salınıb. İstiPress-in məlumatına görə, bu barədə erməni Araqats Axonyan iddia ilə çıxış edib.

Tualet Van vilayətindədir. "Qayıdış" fondunun rəhbəri, "Qərb ermənilərinin milli konqresi"nin üzvi Axonyanın sözlərinə görə, ərazi sahildə yerləşir. "Yerli hakimiyyət ərazini abadlaşdırır, infrastruktur qurur, tualetlər tikir".

Erməninin sözlərinə görə, erməni məzarlığı, Dilkaya təpəliyi mühafizə olunan ərazi hesab edilir. Amma indi bu ərazidə ayaqyolları və geyinib-soyunma otaqları tikilib.

Məlumata görə, ərazidə aparılan arxeoloji qazıntılar nəticəsində burada uraratulara məxsus 24 məzarlıq tapılıb. Erməni rəssam Arşil Qorki də əraizdəki erməni məhəlləsində doğulub.

Qeyd edək ki, adıçəkilən ərazidə ictimai çimərlik var. Edremit bələdiyyəsi ermənilərin iddiası ilə bağlı açıqlama yayıb. İstiPress-in məlumatına görə, çimərliyin olduğu ərazidə heç bir erməni məzarlığının olmadığı açıqlanıb. "Çimərlik üçün heç bir tikinti aparılmayıb. Ərazidə 60-cı ildən qalan tövlə var. Kəndlilər ondan məktəb kimi isjtifadə edirdilər. Məktəb yenidən qurulub. Sahildə isə taxtadan duş yerləri və soyunub-geyinmə kabinələri qoyulub. Nəinki əraziya ziyan dəyib. hətta mühafizəsi daha gücləndirilib".

Bələdiyyə ermənilərin yalan məumatlarının təxribat xarakteri daşıdığını bildirib.



www.anews.az