Rusiya zərbə briqadalarını sərhəddə toplayır - MÜHARİBƏ YAXINLAŞIR

Publika.az xəbər verir ki, bu haqda Ukrayna Silahlı Qüvvələrinin Baş qərargah rəhbəri Viktor Mujenko "Liqa.net” saytına müsahibəsində deyib.

"Sərhəddə yaradılan üç yeni diviziyadan söhbət gedir. Bunlar 144-cü, 3-cü və 150-ci motoatıcı diviziyalardır. Onların formalaşması 2016-cı ildə başlanıb”, - Mujenko qeyd edib.

Onun sözlərinə görə, bu diviziyalar bilavasitə Ukrayna-Rusiya sərhədindədir:

"Həmçinin Rusiya Silahlı Qüvvələrinin Cənub hərbi dairəsinin 8-ci ümumqoşun ordusu formalaşdırılıb. 

Bu onu göstərir ki, Ukrayna-Rusiya sərhədində müəyyən hərbi qruplaşmalar yaradılır”.

Daha əvvəl Rusiya Silah Qüvvələri Baş qərargahındakı yüksək vəzifəli mənbəyə istinadən "Kommersant” nəşrinin yazdığına görə, Rusiya prezidenti Vladimir Putin 8-ci ümumqoşun ordusunun komandanlığını təyin edib.

2018-ci ildən 8-ci orduya general-mayor Sergey Kuzovlev komandanlıq edəcək. General-mayor Oleq Sekov qərargah rəhbəri və Kuzovlevin birinci müavini təyin edilib. O, Transqafqaz, Zabaykal, Sibir və Şimali-Qafqaz hərbi dairələrində, həmçinin Monqolustanda xidmət edib.

8-ci ümumqoşun ordusu cənub-qərb strateji istiqamətində, hər şeydən əvvəl Ukrayna ilə sərhəddə təhlükəsizliyin təmin olunmasında əsas rol oynayacaq.