Azərbaycan Xəzərdə genişmiqyaslı təlim keçirdi

Dövlət Sərhəd Xidməti xəzərdə genişmiqyaslı təlim keçirib. Taktiki təlimlərdə qarşıya qoyulan bütün vəzifələr yüksək səviyyədə yerinə yetirilib. Bu isə silahlı qüvvələrin bu növünün yüksək hazırlıq səviyyəsinin göstəricisidir.

 

 

Dövlət Sərhəd Xidmətinin Sahil Mühafizəsinin, Çevik Hərəkət Qüvvələrinin helikopterlərinin raket kompleksləri və zenit-artilleriya qurğularından suüstü, sahil və hava hədəflərinə döyüş atışları müvəffəqiyyətlə həyata keçirilib. Şərti düşmənin üzmə vasitəsinin, sualtı təxribat qruplarının və sahildə düşərgə qurmuş şərti terrorçu qruplarının aşkarlanması və məhv edil­məsi üzrə tapşırıqlar yüksək dəqiqliklə icra edilib.

 

 

İti sürətli və yüksək üzmə qabiliyyətinə malik, mükəmməl naviqasiya və radiotexniki avadanlıqlarla, müasir silahlarla təchiz edilmiş sərhəd gözətçi gəmiləri taktiki təlimdə yüksək manevr imkanları və döyüş qabiliyyəti nümayiş etdiriblər.