Boliviyanın XİN rəhbəri Azərbaycana gəlir
17.08.2017 15:40
Boliviya Çoxmillətli Dövlətinin xarici işlər naziri Fernando Uanakuni Mamani avqustun 18-də Azərbaycana rəsmi səfərə gələcək.
Bu barədə Oxu.Az-a Xarici İşlər Nazirliyinin mətbuat xidmətindən məlumat verilib.
Səfər çərçivəsində xarici işlər naziri Fernando Uanakuni Mamaninin nazir Elmar Məmmədyarov və digər rəsmilərlə görüşü nəzərdə tutulub.
Qeyd edək ki, Qaz İxrac Edən Ölkələr Forumunun daimi üzvü olan Boliviya 2017-ci ilin 20-24 noyabr tarixlərində Boliviyanın Santa Kruz de la Sierra şəhərində keçiriləcək növbəti Qaz Sammitinə ev sahibliyi edəcək. Azərbaycanın müşahidəçi qismində təmsil olunduğu Forumun sözügedən Sammitində iştirak üçün Boliviya tərəfindən dəvət olunur.
Qeyd edilən səfər Boliviya xarici işlər nazirinin Azərbaycana ilk rəsmi səfəridir. Bu isə son illərdə Azərbaycan Respublikasının Latın Amerikası regionunda artan nüfuzunun göstəricisidir. Belə ki, son illərdə Çili, Kosta-Rika və Perunun Azərbaycanda səfirlikləri fəaliyyətə başlayıb.
www.anews.az
Facebook
Bizi Facebookda izləyin
Oxşar xəbərlər
Oxşar xəbərlər
Siyasət 19:41
Ərdoğan Əliyevi Ankarada keçiriləcək Türk Dövlətləri Təşkilatının zirvə görüşünə dəvət edib
Foto
Video
