Azərbaycan İsraildən avtomatik minaatan aldı - SON XƏBƏR

Azərbaycan İsrail istehsalı olan yeni nəsil avtomatik minaatanlarla maraqlanır.

İstiPress xəbər verir ki, bu barədə azeridefence-yə Polşada keçirilən MSPO-2017 sərgisində bildirilib.

"Elbit Systems" şirkətinin istehsalı olan 120 mm-lik "Spear Mk 2" avtomatik minaatanının ilk nümunələri Azərbaycana çatdırılıb. Azərbaycan Silahlı Qüvvələrinin (DSX) istifadəsindəki BTR-70 zirehli maşının üzərində qurulmuş həmin minaatan avqust ayında prezident İlham Əliyevə nümayiş etdirilib.

Minaatanın "SandCat" zirehli maşını üzərində qurulmuş versiyası isə 2016-cı ilin sentyabr ayında Bakıda keçirilmiş ADEX-2016 beynəlxalq müdafiə sərgisində də nümayiş etdirilib.

"Bu minaatanlar tam olaraq avtomatlaşdırılıb. Özünü avtomat doldurma, koordinatları hesablama və yönləndirmə funksiyasına malikdir. "Spear" idarə olunan minalarla 10 km-dək məsafədə hədəflərə dəqiq atəş açmağa imkan verir", deyə mütəxəssislər bildiriblər.