Ermənilər azerbaycanli redaktordan yazdi

Dünya və yerli mətbuat prezident İlham Əliyevin BMT-dəki uğurlu çıxışından yazdığı bir vaxtda Azərbaycandakı sapı özümüzdən olan baltalar ermənipərəst mövqe sərgiləməyə girişiblər. Bu gün düşmən mətbuatının manşet xəbərini Azərbaycan Yayım Assosasiyasında redaktor vəzifəsində çalışan Fazil Kərimov "müəyyən edib".

Missiya.Az xəbər verir ki, Fazil Kərimovun «facebook» səhifəsində yazdığı status ermənilərin əlinə növbəti "tutalqa"verib. Ağlasığmaz ifadələrin işlədildiyi statusda, Fazil Kərimov prezident ailəsini təhqir etməklə yanaşı, Azərbaycan xalqına qarşı da alçaldıcı ifadələr işlədib. Statusda Azərbaycanın deyil, Ermənistanın milli maraqları ön plana çəkilib və Azərbaycan xalqı «çuşka» adlandırılıb. Erməni jurnalistlər isə həmin statusu skreen edib və saytlarının manşet xəbərinə çeviriblər. Sanki status erməni saytları üçün yazılıb.

Hər kəsin sosial şəbəkələrdə siyasi hakimiyyətə və ölkədə baş verən proseslərə öz mövqeyini açıq şəkildə ifadə etmək hüququ var. Amma elə məsələlər var ki, onlara milli maraqlar baxımından yanaşmaq lazımdır. Görünür F.Kərimov kimilər dövlət maraqlarını qətiyyən qəbul etmirlər. Belələri üçün müqəddəs heç nə yoxdur. Axı necə ola bilər ki, bir ölkənin vətəndaşı məhz milli məsələyə yanaşmada Azərbaycan Prezidentini deyil, onun terrorçu adlandırdığı düşmən ölkənin rəhbərinin mövqeyini dəstəkləsin? Bu, dövlətə və xalqa xəyanət deyilmi? 

Prezident İlham Əliyevin BMT-dəki çıxışı Ermənistan böyük zərbə oldu. Ermənistan mətbuatı bu çıxışın təsirini azaltmaq üçün dəridən-qabıqdan çıxır. Erməni jurnalistlər hər vasitədən istifadə etməklə Prezident İlham Əliyevin çıxışına kölgə salmağa çalışırlar. Çünki Ermənistan prezidenti Serj Sarkisyan BMT-nin kürsüsündən «terrorçu» adlandırılıb və yəqin ki, o, bu zərbədən hələ uzun müddət özünə gələ bilməyəcək. Çox təəssüf ki, erməni juralistlərə bizim içimizdən biri olan da dəstək verir.
www.anews.az