Yeni erməni versiyası: Qarabağ əvəzinə qaz

Son zamanlar erməni mətbuatı, politoloqlar, ümumiyyətlə siyasi elitası Azərbaycanla Rusiya arasında münasibətlərin korlandığını iddia edirlər. Onların iddiasına görə, münasibətlərin korlanmasına səbəblər arasında əsas yeri yanacaq məsələləri tutur. Lakin görünür ermənilərin bu arzusu elə arzu olaraq da qalacaq.

Rusiya isə ən vacib tərəfdaşlarından biri olan Azərbaycanla əlaqələrini korlamaq niyyətində deyil. Moskva Dövlət Beynəlxalq Əlaqələr Universitetinin (MQİMO) Qafqaz problemi və regional təhlükəsizlik mərkəzinin böyük elmi işçisi Nikolay Silayev də belə deyir. O, ermənilərin iddia etdiyi kimi Moskva və Bakının qarşılıqlı münasibətlərində çətin dövrün yaşanması məsələsi ilə razı deyil.

"Azərbaycanla Rusiya arasında əlaqələr yaxşıdır. Onların korlanması üçün də heç bir əsas yoxdur. Ticarət məsələsinə gəldikdə isə, istənilən postsovet ölkəsi hər hansı bir üstülüyündən istifadə edərək danışıqlar proseslərində öz mövqelərini möhkəmlədirməyə çalışa bilər".

Qeyd edək ki, ermənilər Azərbaycanın Rusiya ilə danışıqlardan istədiyi nəticəni ala bilmədiyini, bunun üçün də Avropaya Qarabağ məsələsindəki mövqeyinə görə qaz satmağa çalışdığını iddia edirlər. Bunu isə bədnam qonşularımız şantaj vasitəsi esab edərək əl-ayağa düşüblər.

www.anews.az