Bakı Ermənistana şərt qoydu

"İlk növbədə Qarabağ münaqişəsi həll olmalıdır. Rəsmi Bakının mövqeyi aydındır. Bu məsələ şirkət tərəfindən nəzərdən keçirilməlidir". 

BTQ dəmir yolu xəttinin rəsmi açılış mərasimi oktybarın 30-da Bakıda keçirilib. Açılış mərasimdə iştirak etmək üçün Türkiyə prezidenti Rəcəb Tayyib Ərdoğan da Bakıya səfər etmişdi.  Adıçəkilən xəttin açılışı Ermənistanda böyük narahatlığa səbəb olub. 

Region ölkələrindən yalnız Ermənistan ilk başdan BTQ-nin açılışının əleyhinədir. Erməni ekspertlər istər Ermənistan mətbuatında, istərsə də Rusiya mətbuatında kəmərin əhəmiyyətsiz olduğunu, onu tikməyə heç bir ehtiyaс olmadığını sübut etməyə çalışırdılar. Amma indi vəziyyət dəyişib. Ermənistandan emissarlar Gürсüstanın müxtəlif dairələrinə müraсiət edərək BTQ-dən istifadə etməyə iсazə istəyirlər. Bəzi erməni ekspertlər BTQ-nin Ermənistan iqtisadiyyatı üçün xilas olduğunu vurğulayırlar.

BTQ Mərkəzi Asiya ölkələrinin - Türkmənistan, Qazaxıstan, Özbəkistan, Qırğızıstan və Tacikistan, həmçinin Əfqanıstanın Avropa və dünya bazarlarına çıxışını asanlaşdıracaq. Gələcəkdə Avropa və Asiya ölkələrinə məxsus yüklərin bu dəmir yoluna cəlb edilməsi hər iki istiqamətdə multimodal daşımaların həcmini artıracaq. Belə ki, üçüncü istismar ilində 3-5 milyon ton, beşinci istismar ilində 6-8 milyon ton yük, bundan sonra isə ildə 3 milyon sərnişin və 17 milyon ton yük daşınacağı nəzərdə tutulur.