ABŞ-la Ermənistan arasında hərbi yardım vədləri... - Gizli Qovluq

ABŞ-ın Taftsi universitetinin Fletcer hüquqları və diplomatiya məktəbinin elmi işçisi, politoloq Suren Sarkisyan öz Facebook səhifəsində Serj və Viqen Sarkisyanlar haqqında Pentaqonun arxivlərində nə yazıldığını təqdim edib. 


Ordu.az Suren Sarkisyanın sözügedən məsələyə dair yazılarını təqdim edir: 

"2001-ci ildən Pentaqonn və Ermənistan müdafiə nazirliyi arasında əlaqələr fəallaşıb. Müdafiə naziri Serj Sarkisyan ABŞ-ın müdafiə məsələləri üzrə katibi Ramsfeldlə bir neçə dəfə İrəvanda, Brüsseldə və Vaşinqtonda görüşüb. 

2001-ci ilin dekabr ayında Ramsfeld Ceyms Beykerdən sonra Ermənistana səfər edən ikinci yüksək vəzifəli ABŞ rəsmisi olub. Danışıqlar zamanı Serj Sarkisyanla ciddi razılıqlar əldə edib. ABŞ milli təhlükəsizliyi təhdidlərini nəzərə alaraq, Ramsfeld 907-ci düzəlişdən yan keçmək məsələsində Serj Sarkisyanın köməyini istəyib. Bunun əvəzində Ramsfeld Sarkisyana hərbi yardım söz verib. 11 sentyabrın hadisələrindən sonra Pentaqonun həm də daxili siyasətlə bağlı həll ediləcək problemləri olduğu üçün erməni tərəfi təkliflə razı olub. Sarkisyan-Ramsfeld görüşündə həmçinin Ermənistanın qlobal terrorçuluğa qarşı mübarizədə dəstəyi müzakirə edilib. 

Ermənistan İrak və Əfqanıstana soxulmağa hazırlaşan ABŞ-a bu məsələdə də dəstək verməyi vəd edib. 

Bütün bu görüşlərin təşkilatçısı indiki müdafiə naziri Vigen Sarkisyan olub. O, bütün tam məxfi danışıqlarda iştirak edib, ingilis dilini əla bilməsi və danışıqların tərkibinin gizli olmasını nəzərə alaraq, zərurət olduğu hallarda təkbətək görüşləri tərcümə edib. Ramsfeld Ermənistandan danışarkən deyirdi. "Sizdə faktiki olaraq nə qədər Sarkisyana rast gəlmişəm, hamısı özlərinə ciddi karyera qurublar. O dövrdəki müdafiə naziri, onun köməkçisi, hərbi attaşe və s".

Terrorçuluğa qarşı mübarizədə Ermənistanın dəstəyi ilə əlaqədar danışıqların bir hissəsi hələ məxfidir, tam açıqlanmır. Bu barədə Ermənistanda 4-5 nəfər bilir. Bu baxımdan, Pentaqonun kağız qovluğu kifayət qədər böyükdür."

www.anews.az