Ermənistan ordusu 56 əsgər itirdi

İlkin məlumata göər, 2017-ci ilin yanvar - noyabr aylarında Ermənistan silahlı birləşmələri Dağlıq Qarabağdakı işğalçı bölmələri də daxil olmaqla 56 əsgər itirib, bu barədə "1in.am" portalı Helsinki Vətəndaş Assambleyasının Vanadzor ofisinə istinadən məlumat yayıb.

Portal ofisin yanvar - sentyabr aylarına olan məlumatını götürüb və üzərinə son iki ayın göstəricisini əlavə edib.  Helsinki Vətəndaş Assambleyasının Vanadzor ofisinin məlumaatına görə, 2017-ci ilin yanvar - sentyabr aylarında Ermənistan silahlı birləşmələri 46 əsgər itirib. Bunların 29-u çağırışlı əsgər, 17-si ilə muzdlu əsgər olub. 29 əsgər Qarabağda  həlak olub.

46 erməni əsgərdən 21-i qoşunların təmas xəttində öldürülüb, 6 nəfərini xidmət yoldaşları qətlə yetirib, 6 nəfəri bədbəxt hadisə nəticəsində ölüb, 9 nəfər isə intihar edib. 4 nəfər xəstəlik üzündən ölüb.