Rusiyanın Qarabağ həllini Türkiyəyə tapşırması gözlənilir

İstiPress-in məlumatına  görə, məşhur ABŞ politoloqu Pol Qobl bu barədə İərvanda dərc olunan «168 jam» qəzetinə müsahibəsi zamanı bildirib.
Qəzetin yazdığına görə, Pol Qobl müsahibəsində vurğulayıb ki, hazırda Rusiyanın Qarabağ münaqişəsinin həllində üstnüdüyünün olması ABŞ üçün əlverişlidir, amma Türkiyə həmin üstünlüyü ələ keçirə bilər.

Görünür, elə buna görə Pol Qobl erməniləri sayıq olmağa çağırır: «Rusiya indən belə də Azərbaycanı ələ keçirməyə çalışacaq, diqqətli olmaq lazımdır», - deyə Pol Qobl bildirib. 

Bu cümlə açıq göstərir ki, Pol Qobl Qarabağın Azərbaycanın nəzarətinə qaytarılmasını istəmir. Hələ 1990-cı illərdə Şuşa və Laçın Azərbaycanın nəzarəti altında olanda, Azərbaycan ordusu artıq Xankəndinin girişində olanda Pol Qobl Azərbaycan hakimiyyətinə Dağlıq Qarbağın 4 rayonunu Meğri rayonunun bir hissəsi ilə dəyişməyi təklif etmişdi. Bu az kimi Türkiyə ilə Azərbaycanı birləşdirən quru bərzəxi Ermənistanla Azərbaycan arasında bufer zona etməyi irəli sürmüşdü. Bəhanəsi də o idi ki, İranla Ermənistan arasında əlaqələr bu yolla davam etsin. Azərbaycan həm də Laçından ermənilərə dəhliz verməli idi.
Əslində isə bu, Türkiyə və Azərbaycanı ayırmaq cəhdi,  həm də ermənilərin Dağlıq Qarabağı tam ələ keçirməsi, yəni Azərbaycanın könüllü məğlubiyyəti demək idi. Amma nədənsə bizdə Pol Qobl Azərbaycanı sevən, müsbət adam kimi qələmə verilir. Eyni yanaşma «Qarabağ» kitabını yazmış Tomas de Vaalla da bağlıdır. Tomas de Vaal Serc Sarkisyandan müsahibə götürən zaman etiraf etdiri ki, Xocalı soyqırımını ermənilər törədib ki, dinc Azərbaycan əhalisi torpaqları qoyub qaçsın. Yəni Ermənistan hakimiyyətinin beynəlxalq hüquqa görə cinayətkar  olduğunu subut edib  Amma özü də dəfələrlə 1988-ci il vəziyyətinə qayıtmağın, yəni Dağlıq Qarabağı Azərbaycanın nəzarətinə verməyin qeyri-mümkün olduğunu  iddia edib. Görünür, qərblilərə daimi münaqişə ocaqları lazımdır ki, təsir göstərə bilsinlər. 




www.anews.az