“Əhalinin gəliri 8 dəfə artıb” - Səlim Müslümov

2003-2016-cı illərdə əhalinin gəlirlərinin 8 dəfə artması ölkəmizdə həyata keçirilən sosial-iqtisadi siyasətin mühüm istiqamətlərindən biri kimi əhalinin həyat səviyyəsinin yüksəldilməsi üçün imkanların yaradılması və bu əsasda əhalinin gəlirlərinin dəstəklənməsi tədbirlərinin ardıcıl reallaşdırılmasının əyani təsdiqidir.

Femida.az xəbər verir ki, bunu Əmək və əhalinin sosial müdafiəsi naziri Səlim Müslümov "Azərbaycan” qəzetində dərc olunan məqaləsində bildirib.

Nazir qeyd edib ki, bu artım tendensiyası 2017-ci ildə də davam edib və cari ilin 11 ayında əhalinin nominal gəlirləri 8,2 faiz artaraq 43,4 mlrd manata, adambaşına düşən gəlirlər 7,2 faiz artaraq 4459 manata çatıb.

S.Müslümov vurğulayıb ki, 2017-ci ilin 9 ayında 171 mini daimi olan 226 min yeni iş yerinin yaradılıb. Muzdla işləyənlərin sayı 2003-cü ildəki 1226,6 min nəfərdən 2017-ci il noyabrın 1-i vəziyyətinə 1517,8 min nəfərə çatmaqla 23,7 faiz çoxalıb.

www.anews.az