BQXK Azərbaycanda saxlanılan erməni diversantlara baş çəkdi

Bu barədə Trend-ə qurumun Azərbaycan nümayəndəliyinin ictimaiyyətlə əlaqələr şöbəsinin rəhbəri İlahə Hüseynova məlumat verib.

Onun sözlərinə görə, Komitə nümayəndələri ötən ilin dekabr ayında Ermənistan-Azərbaycan, Dağlıq Qarabağ münaqişəsi nəticəsində Azərbaycan tərəfində saxlanılan şəxslərə baş çəkib: "Başçəkmə zamanı saxlanılanların saxlanma şəraiti və onlarla rəftarın monitorinqi aparılıb".

Xatırladaq ki, iki erməni diversant - Arsen Baqdasaryan və Zaver Karapetyan Azərbaycanda saxlanılır. A.Baqdasaryan Gəncə Ağır Cinayətlər Məhkəməsinin hökmü ilə 15 il müddətinə azadlıqdan məhrum edilib.